ප්‍රාදේශීය ලේකම් කාර්යාලය - චාවකච්චේරි

அஸ்வெசும நலன்புரி நன்மைகள் கொடுப்பனவு வழங்கும் திட்டத்திற்கான இரண்டாம் கட்டத்திற்கான விண்ணப்பங்களைச் சமர்ப்பிப்பதற்கான மேலதிக சலுகைக் காலத்தை வழங்கல்.இதுவரை முதலாம் மற்றும் இரண்டாம் கட்டத்தில் விண்ணப்பங்களைச் சமர்பிக்கத் தவறியவர்கள் இருந்தால் அவர்களுக்கு வாய்ப்பு வழங்க மேலதிக கால அவகாசத்தை வழங்குவதற்காக அரசு முடிவு செய்துள்ளது.இதன்படி 25.11.2024 ஆம் திகதி முதல் 02.12.2024 ஆம் திகதி வரையான காலத்தினுள் இதுவரை விண்ணப்பங்களைச் சமர்பிக்காதவர்களுக்கு விண்ணப்பங்களை சமர்ப்பித்தலுக்கான
சந்தர்ப்பம் வழங்கப்படவுள்ளது. இதற்காக இரண்டாம் கட்டத்திற்கு அறிமுகம் செய்யப்பட்ட படிவத்தை பயன்படுத்தி விண்ணப்பங்களை பூர்த்தி செய்து குறிப்பிட்ட காலப்பகுதிக்கு முன்னர் கிராம மட்ட அபிவிருத்தி உத்தியோகத்தரிடம் கையளிக்கவும். இந்த திட்டத்தில் விண்ணப்பிப்பதற்கு 18 வயதுக்கு மேற்பட்ட குடும்ப உறுப்பினர்களுக்கு தேசிய அடையாள அட்டை அவசியமாகும்.

வடமாகாண சமூக சேவைகள் திணைக்களத்தினால் 14.10.2024 நடாத்திய முதியோர் தின விழாவில் முதியவர்கள் மதிப்பளிக்கப்பட்டனர். மதிப்பளிக்கப்பட்ட முதியவர்களின் தென்மராட்சி பிரதேசத்தைச் சேர்ந்த மூவர் முதலிடத்தையும் ஒருவர் இரண்டாமிடத்தையும் பெற்றுள்ளனர். வாழ்நாள் சாதனையாளராக தென்மராட்சி பிரதேசத்தை சேர்ந்த Dr ச.சி.அருளானந்தம்(பொது ) வருகை விரிவுரையாளர் பொன்.ஸ்ரீவாமதேவன் (கலை) ஓய்வு பெற்ற அ‌திப‌ர் வேலுப்பிள்ளை சுந்தரலிங்கம் (விளையாட்டு ) ஆகியோருடன்100 வயதை அண்மித்த கலைஞர் செல்லையா குமாரசாமி ஆகியோர் மதிப்பளிக்கப்பட்டனர். யாழ்.பல்கலைக்கழக மருத்துவபீட மண்டபத்தில் நடைபெற்ற நிகழ்வில் மாகாணத்தைச் சேர்ந்த 16 முதியவர்கள் மதிப்பளிக்கப்பட்டனர்.

சிறுதொழில் முயற்சி அபிவிருத்தி உத்தியோகத்தர்களினால் சாவகச்சேரி நகர் பொதுநோக்கு மண்டபத்தில் 19.09.2024 அன்று business plan preparation தொடர்பான பயிற்சி நெறி இடம் பெற்றது. இந் நிகழ்வில் 15 முயற்சியாளர்கள் பங்கு பற்றினார்கள்.

தவசிக்குளம் போக்கட்டி அம்மன் கோவில் மண்டபத்தில் தென்மராட்சி பிரதேச சிறுவர் சபை தலைவர் நாகேஸ்வரன் லக்சனன் தலைமையில் 01.10.2024 அன்று பி.ப 3.30 மணியளவில் ஆரம்பமாகி இடம் பெற்றது.இந் நிகழ்வில் பிரதம விருந்தினராக பிரதேச செயலாளர் திருமதி உஷா சுபலிங்கம் அவர்களும் சிறப்பு விருந்தினராக உதவி பிரதேச செயலாளர் திருமதி தமிழினி சதீஸ் அவரகளும் கலந்து சிறப்பித்தனர். இந்நிகழ்வில் யாழ் போதனா வைத்திய சாலையின் வைத்திய கலாநிதி ஆ.சஜாத் அவர்கள் வளவாளராக பங்குபற்றி விழிப்புணர்வு கருத்துரை வழங்கியதுடன் சிறுவர் கழக சிறுவர்களின் கலை நிகழ்வுகளும் இடம்பெற்றன.நிகழ்வில் பங்குபற்றிய சிறுவர்கள் அனைவருக்கும் பரிசில்கள் வழங்கப்பட்டன.இந் நிகழ்விற்கு நிதி அனுசரணை World Vision நிறுவனத்தினால் வழங்கப்பட்டது.

தென்மராட்சி பிரதேச செயலகத்தின் பன்னிரு மாத விளக்கு வேலைத்திட்டத்தின் கீழ் " சிறுவர் உலகில் நிறங்களான நீல வானம் -பட்டக் கண்காட்சி " 2024.09.06 ஆம் திகதி வெள்ளிக்கிழமை மறவான்புலோ அழகிய சிறுவர் சமூகத்துடன் இணைந்து நடாத்தபட்டது.