ප්‍රාදේශීය ලේකම් කාර්යාලය - චාවකච්චේරි

எமது பிரதேச செயலக அபிவிருத்தி உத்தியோகத்தர்கள் மற்றும் சமுர்த்தி அபிவிருத்தி உத்தியோகத்தர்களுக்கு அலுவலக நடைமுறைகள் தொடர்பான பயிற்சி நெறி 30.04.2024 அன்று உதவிப் பிரதேச செயலாளர் தலைமையில் நடைபெற்றது. இந்நிகழ்வில் வளவாளராக யாழ்ப்பாண மாவட்ட உதவித் தேர்தல் ஆணையாளர் திரு.கி.அமல்ராஜ் அவர்கள் கலந்து சிறப்பித்தார்.

சிறுவர் பெண்கள் பிரிவின் ஒழுங்குபடுத்தலின் கீழ் கிளிநொச்சி உளநல அமைப்பின் அனுசரணையில் பால்நிலை சமத்துவம், பெற்றோரியம் தொடர்பான விழிப்புணர்வு நிகழ்வானது நுணாவில் மேற்கு கிராம அலுவலர் பிரிவில் கிராம அலுவலர் தலைமையில் 09/04/2024 அன்று 9.30 -2.30மணி வரை மேற்கொள்ளப்பட்டது. இதில் மாதர் அபிவிருத்தி சங்கம் மற்றும் கிராமிய அபிவிருத்திசங்க உறுப்பினர்கள் கலந்து கொண்டனர். இதில் வளவாளர்களாக பெண்கள் அபிவிருத்தி உத்தியோகத்தர், உளவளத்துணை உத்தியோகத்தர் மற்றும் சிறுவர் பாதுகாப்பு உத்தியோகத்தர் ஆகியோர் கலந்துகொண்டனர்.

சமுர்த்தி பிரதேச மட்ட அமைப்பின் வருடாந்த பொது கூட்டம் 28.03.2024 அன்று பிற்பகல் 2.30 மணிக்கு பிரதேச செயலக மாநாட்டு மண்டபத்தில் சமுர்த்தி பிரதேச மட்ட அமைப்பின் தலைவரின் தலைமையின் நடைபெற்றது . இவ் நிகழ்வின் போது 2024 ஆம் ஆண்டிற்கான புது நிர்வாக தெரிவு இடம்பெற்றது .இவ் நிகழ்விற்கு சமுர்த்தி முகாமையாளர் உட்பட சமுர்த்தி உத்தியோகத்தர்கள் அனைவரும் கலந்து கொண்டனர்.