பிரதேச செயலகம் - சாவகச்சேரி

அவளுடைய பலம் நாட்டிற்கு முன்னேற்றம் என்னும் தொனிப்பொருளில் 2024ம் ஆண்டிற்கான மகளிர் தின விழாவானது தென்மராட்சி பிரதேச செயலத்தில் 26.03.2024 அன்று மு.ப 9.30 மணிக்கு பிரதேச செயலாளர் திருமதி உஷா சுபலிங்கம் தலைமையில் நடைபெற்றது. இதில் பிரதம விருந்தினராக திருமதி Dr.கமலா ஜெகூ (பொது வைத்திய நிபுணர் சாவகச்சேரி ஆதார வைத்தியசாலை) அவர்கள் கலந்து கொண்டதுடன், சிறப்பு விருந்தினர்களாக திருமதி சுகிர்தன் குகப்பிரியா (சட்டத்தரணி சட்ட அலுவலர்), திருமதி லலிதாமலர் முகுந்தன் (அதிபர் யா/மீசாலை வீரசிங்கம் மத்திய கல்லூரி), திரு யூட் நிஷாந்தன் (முகாமையாளர் உலக தரிசன நிறுவனம்) ஆகியோர் கலந்துகொண்டனர்.கௌரவ விருந்தினராக கலாநிதி அகிலன் முத்துக்குமாரசாமி (உலக பசி ஒழிப்பு மன்றம் கனடா) அவர்களும் கலந்துகொண்டார்.இதில் சிறப்புரைகள் ,சாதனைப் பெண்கள் கௌரவிப்பு நிகழ்வும் மற்றும் கலை நிகழ்வுகளும் நடைபெற்றது

Inspiration mood 1

அஸ்வசும கொடுப்பனவிற்கான 2ம் கட்ட விண்ணப்பங்களை மார்ச் 15ஆம் திகதிக்கு முன்னர் கோரப்பட்டுள்ளன. 1ம் கட்டத் தெரிவின் போது விண்ணப்பங்கள் சமர்ப்பிக்காதவர்கள் மற்றும் 1ம் கட்டத்தில் விண்ணப்பங்கள் சமர்ப்பிக்கப்பட்டு, நலன்புரி நன்மைகள் சபையினால் எண்ணீட்டுக்கு உட்படுத்தப்பட்டு, தரவுத்தளத்தில் விபரங்கள் உட்சேர்க்கப்படாதவர்கள் புதிதாக விண்ணப்பிக்க முடியும் என்று தெரிவிக்கப்பட்டுள்ளது. அதன் பிரகாரம் தாங்கள் விண்ணப்பிக்க தகுதியுடையவராயின், நலன்புரி நன்மைகள் சபையின் இணையத்தளம் ஊடாக அல்லது தங்கள் கிராம அலுவலர் பிரிவில் கடமையாற்றும் பொருளாதார அபிவிருத்தி உத்தியோகத்தர் ஊடாக 2ஆம் கட்ட நலன்புரி நன்மைகள் கொடுப்பனவுக்கு மார்ச் 15ஆம் திகதிக்கு முன்னர் விண்ணப்பிக்கவும். இந்த திட்டத்தில் விண்ணப்பிப்பதற்கு 18 வயதுக்கு மேற்பட்ட குடும்ப உறுப்பினர்களுக்கும் தேசிய அடையாள அட்டை அவசியமாகும்.

22.02.2024 வியாழக்கிழமை முதலாவது காலாண்டு முகாமைத்துவக் கணக்காய்வு குழுக் கூட்டமானது பிரதேச செயலக மாநாட்டு மண்டபத்தில் பி.ப 02.00 மணியளவில் பிதேச செயலர் தலைமையில் நடைபெற்றது.

இதில் பிரதேச செயலாளர், பிரதம உள்ளக கணக்காய்வாளர், கணக்காளர், உதவி திட்டமிடல் பணிப்பாளர், நிர் வாக உத்தியோகத்தர், சமுர்த்தி முகாமையாளர் தலைமைப்பீடம், ஆகியோர் கலந்து கொண்டு அலுவலகம் தொடர்பான விடயங்கள், பிரதேச அபிவிருத்தி திட்டங்கள், ஒதுக்கீட்டு கட்டுப்பாடு தொடர்பான விடயங்கள் தொடர்பாக கலந்துரையாடப்பட்டது.

425289055 1570228610498098 8390288663018096618 n

425297924 1570228500498109 7970911158567996574 n

யா/கொடிகாமம் கச்சாய் அரசினர் தமிழ் கலவன் பாடசாலை உயர்தர மாணவர்களுக்கு 06.03.2024 புதன் கிழமை வழிகாட்டல் ஆலோசனை மற்றும் தொழில் பயிற்சி தொடர்பான நிகழ்ச்சி மனித வலு அபிவிருத்தி உத்தியோகத்தர்கள் மற்றும் திறன்கள் அபிவிருத்தி உத்தியோகத்தரும் இணைந்து பாடசாலை அதிபர் தலைமையில் கல்லூரி மண்டபத்தில் நடாத்தப்பட்டது.இன்நிகழ்வில் மாணவர்களின் கல்வி முன்னேற்றத்திற்கு தடையாக உள்ளது காரணங்கள் பற்றி கலந்துரையாடப்பட்டது.

Aswesuma Poster page 0001 min