பிரதேச செயலகம் - சாவகச்சேரி

வடக்கு மாகாணத்திலுள்ள நலிவுற்ற குடும்பத்திலுள்ள போசாக்கு குறைபாடுள்ள விசேட தேவையுடைய சிறுவர்களுக்கான போசாக்கு உலர் உணவுப்பொதி வழங்குதல் திட்டத்தின் கீழ் தென்மராட்சி பிரதேச செயலகத்திற்குட்பட்ட போசாக்கு குறைபாடுள்ள 10 மாற்றுத்திறனாளி சிறுவர்களுக்கு ஐப்பசி மாதத்திற்கான ரூபா 10,000.00 பெறுமதியான போசாக்கினை மேம்படுத்தக்கூடிய உலர் உணவுப்பொதி ஐந்தாம் கட்டம் 07.10.2026 செவ்வாய் கிழமை சாவகச்சேரி பலநோக்கு கூட்டுறவுச் சங்கத்தினூடாக உதவிப்பிரதே செயலாளர் சமூக சேவைகள் உத்தியோகத்தர்கள் மற்றும் பொது முகாமையாளர் ஆகியோர்களால் வழங்கி வைக்கப்பட்டது.

PSDG 2026 திட்டத்தின் கீழ் வடமாகாண நன்னடத்தை பாதுகாவல் மற்றும் சிறுவர் கவனிப்பு சேவைகள் திணைக்களத்தினால் வழங்கப்பட்ட துவிச்சக்கர வண்டிகள் 30.09.2026 புதன் கிழமை, பிரதி திட்டமிடல் பணிப்பாளர் அவர்களால் நான்கு மாணவர்களுக்கு வழங்கி வைக்கப்பட்டது.

830729432 2326764588177826 2822606066827202732 n

சனாதிபதி நிதியத்தின் செயற்பாடுகளைப் பிரதேச மட்டத்திற்கு பரவலாக்கியமைக்காக சிறப்பாகச் செயற்பட்ட பிரதேச செயலகங்களை மதிப்பீடு செய்து, வடக்கு மாகாணத்தின் ஐந்து மாவட்டங்களிலும் முதல் மூன்று இடங்களைப் பெற்ற பிரதேச செயலகங்களுக்கு விருது வழங்கும் நிகழ்வு (26.09.2026) கிளிநொச்சி மாவட்டச் செயலகத்தில் நடைபெற்றது.இந்நிகழ்வில் பிரதம விருந்தினராக பாராளுமன்ற சபாநாயகர் கௌரவ (டாக்டர்) ஜகத் விக்கிரமரத்ன கலந்துகொண்டார்.சிறப்பு விருந்தினர்களாக யாழ்ப்பாணம் மற்றும் கிளிநொச்சி மாவட்டங்களின் ஒருங்கிணைப்புக் குழுத் தலைவரும் கடற்றொழில், நீரியல் மற்றும் கடல்வளங்கள் அமைச்சருமான கௌரவ இராமலிங்கம் சந்திரசேகர், வன்னி மாவட்ட பாராளுமன்ற உறுப்பினர்களான கௌரவ (டாக்டர்) செல்லத்தம்பி திலகநாதன் மற்றும் கௌரவ மயில்வாகனம் ஜெகதீஸ்வரன் ஆகியோர் கலந்துகொண்டனர்.யாழ்ப்பாண மாவட்டத்தில் முதலிடத்தை நல்லூர் பிரதேச செயலகமும், இரண்டாம் இடத்தை தென்மராட்சி பிரதேச செயலகமும், மூன்றாம் இடத்தை கோப்பாய் பிரதேச செயலகமும் பெற்றுக்கொண்டன.இதன்போது குறித்த பிரதேச செயலாளர்கள் மற்றும் சனாதிபதி நிதியத்தின் பிரதேச விடய உத்தியோகத்தர்கள், பாராளுமன்ற சபாநாயகர் கௌரவ (டாக்டர்) ஜகத் விக்கிரமரத்ன அவர்களிடமிருந்து விருதுகளைப் பெற்றுக்கொண்டனர்.இந்நிகழ்வில் சனாதிபதி நிதியத்தின் செயலாளர் திரு. ரொஷான் கமகே, யாழ்ப்பாணப் பல்கலைக்கழகத்தின் சிரேஷ்ட விரிவுரையாளர் திரு. விமல் சாமிநாதன், வடக்கு மாகாணத்தின் யாழ்ப்பாணம், கிளிநொச்சி, முல்லைத்தீவு, வவுனியா மற்றும் மன்னார் மாவட்ட அரசாங்க அதிபர்கள், வவுனியா மாவட்ட மேலதிக அரசாங்க அதிபர் உள்ளிட்ட அரச அதிகாரிகள் பலரும் கலந்துகொண்டனர்.

தேசிய உற்பத்தித்திறன் விருதுகள் 2025/2026 போட்டியில் எமது பிரதேச செயலகம் இரண்டாம் இடத்தை மீண்டும் தன்வசமாக்கியது.

830199785 2325703574950594 5607283549520794109 n

யாழ்ப்பாண மாவட்ட மட்ட முதியோர் மற்றும் மாற்றுவலுவுள்ளோர் தின விழா நேற்றைய தினம் 24.09.2026 யா/கோப்பாய் கிறிஸ்தவ கல்லூரியில் இடம்பெற்றது. இந்நிகழ்வில் யாழ்மாவட்ட அரசாங்க அதிபர் திரு மருதலிங்கம் பிரதீபன் அவர்கள் பிரதம விருந்தினராக கலந்து சிறப்பித்திருந்தார். தென்மராட்சி பிரதேச செயலக பிரிவிலிருந்து 20 மாற்றுத்திறனாளிகள் மற்றும் முதியவர்கள் பங்கு பற்றியிருந்தனர். நடைபெற்ற போட்டிகளில் முதியோருக்கான பாட்டுப்போட்டி பெண்கள் பிரிவில் முதலாம் இடம் நகுலேஸ்வரன் புஷ்பராணி அவர்களும் ,முதியவருக்கான சங்கீதக்கதிரைப் போட்டி ஆண்கள் பிரிவில் மூன்றாம் இடம் பண்டாரி வல்லி அவர்களும் பெண்கள் பிரிவில் மூன்றாம் இடம் வல்லி பாக்கியம் அவர்களும், மாற்றுத் திறனாளிகளுக்கான சங்கீதக் கதிரை பெண்கள் பிரிவில் முதலாம் இடம் விநோத் தேவி அவர்களும் , உருவம் தெரிதல் போட்டியில் சிவபூமி பாடசாலை மாணவி ஜெயக்குமார் கஸ்தூரி இரண்டாம் இடமும், பாட்டுப்போட்டியில் குலேந்திரன் ஜெகதீசன் இரண்டாம் இடமும் கிடைக்கப்பெற்று பரிசில்களும் சான்றிதழ்களும் வழங்கி கெளரவிக்கப்பட்டனர்.